Að halda golfforminu yfir veturinn

Íslenski veturinn er langur og golfvellirnir lokaðir mánuðum saman. Það þýðir þó ekki að leikurinn þurfi að standa í stað.

Þó að þú getir ekki spilað á vellinum geturðu haldið við og jafnvel bætt nokkra af mikilvægustu þáttum leiksins. Með reglulegri æfingu yfir veturinn verður vorið ekki byrjun frá grunni heldur framhald af því sem þú byggðir upp.

1. Æfðu pútt reglulega heima

Pútt er einn af fáum þáttum golfs sem auðvelt er að æfa inni.

Með púttmottu geturðu unnið í:

• stöðugri upphafslínu
• takti
• og stuttum púttum sem skipta miklu máli á vellinum.

Þú þarft ekki langar æfingar. 10–15 mínútur nokkrum sinnum í viku skila yfirleitt meiri árangri en löng lota einu sinni í mánuði.

2. Haltu tilfinningunni fyrir stutta spilinu

Þótt þú getir ekki endurskapað grínið inni geturðu haldið tilfinningunni fyrir vippum og innáhöggum.

Notaðu vippnet eða mjúka æfingabolta og einbeittu þér að:

• kontakt
• lendingarpunkti
• og stöðugri sveiflu

Fyrir flesta áhugakylfinga eru högg í kringum grínið meðal stærstu tækifæranna til að lækka skorið.

3. Nýttu golfhermi með tilgangi

Golfhermir er frábært verkfæri ef þú notar hann markvisst.

Í stað þess að slá hundrað dræver skaltu velja eitt markmið í hverri æfingu.

Til dæmis:

• hækka kylfuhraðann
• vinna í ákveðinni sveiflubreytingu
• eða staðfesta raunverulegar vegalengdir með hverri kylfu.

Skráðu niðurstöðurnar svo þú sjáir raunverulegar framfarir.

4. Byggðu upp líkamann

Rannsóknir sýna að sérhæfð golf styrktar- og hreyfiþjálfun getur aukið kylfuhraða, boltahraða og þar með högglengd. Hún getur einnig minnkað líkur á meiðslum.

Einbeittu þér sérstaklega að:

• hreyfanleika í miðbaki
• hreyfanleika í mjöðmum
• styrk í bol og fótum.

Veturinn er besti tíminn til að byggja þetta upp.

5. Skipuleggðu næsta tímabil

Skoðaðu síðasta sumar.

Hvar tapaðirðu flestum höggum?

• Pútt?
• Innáhögg?
• Dræv?
• Glompur?

Veldu eitt eða tvö atriði til að bæta í stað þess að reyna að laga allt í einu.

6. Mældu framfarirnar

Það sem þú mælir geturðu bætt.

Skráðu æfingarnar, hvort sem þær eru á púttmottu, í golfhermi eða í ræktinni.

Í SKAFT. geturðu fylgst með framförunum allan veturinn svo þú sjáir nákvæmlega hvað hefur batnað þegar tímabilið hefst aftur.

Niðurstaða

Þú þarft ekki golfvöll til að verða betri kylfingur.

Regluleg púttæfing, stutta spilið, markviss vinna í golfhermi og golf styrktarþjálfun gera það mun auðveldara að mæta tilbúinn þegar vorið kemur.