Hvernig lækkarðu forgjöfina?

Flestir kylfingar vilja lækka forgjöfina. Samt eyða margir mestum tíma sínum í að slá dræver á æfingasvæðinu.

Gögn úr tugþúsundum hringja frá áhugakylfingum sýna að það eru yfirleitt aðrir þættir sem halda skori niðri. Hér eru sjö leiðir sem skila raunverulegum framförum.

1. Leggðu meiri áherslu á stutta spilið

Stutta spilið stjórnar skorinu meira en margir gera sér grein fyrir. Frá um 100 jördum (91 m) hittir 10 forgjafar kylfingur grínið aðeins í um helmingi tilfella og 20 forgjöf aðeins í um þriðjungi. Þess vegna er mikilvægt að æfa vipp, innáhögg og bjarganir í kringum grínið.

Ef þú átt klukkutíma á æfingasvæðinu skaltu verja að minnsta kosti helmingnum í stutta spilið og pútt.

2. Fækkaðu þrí-púttum

Þrí-pútt eru á meðal auðveldustu högganna til að losna við.

Meðal 20 forgjafar kylfingur tekur um 33 pútt á hring og þrí-púttar tæplega fimm holur að meðaltali. Jafnvel 10 forgjafar kylfingar eru með rúm tvö þrí-pútt í hverjum hring.

Æfðu því fyrst og fremst:

• lengdarstjórnun í löngum púttum,
• stutt pútt í kringum um 1–1,5 metra.

Í SKAFT. finnurðu tilbúnar pútt-æfingar sem gefa þér skor á hverja lotu, svo þú sérð fjarlægðarstjórnunina og stuttu púttin batna með tímanum í stað þess að giska.

3. Forðastu tvöfalda skolla

Lægri forgjöf snýst ekki endilega um fleiri fugla.

Hún snýst oft frekar um að breyta þreföldum og tvöföldum skollum í einfaldan skolla. Þegar þú lendir í vandræðum er örugga höggið yfirleitt betri ákvörðun en að reyna kraftaverkahögg.

4. Spilaðu skynsamlega, ekki hetjulega

Flest högg tapast áður en sveiflan byrjar.

Miðaðu frekar á miðju grínsins frekar en flagg sem stendur við vatn eða glompu. Veldu kylfu af teig sem heldur boltanum í leik. Betri ákvarðanir geta lækkað skorið án þess að þú breytir sveiflunni.

5. Þekktu raunverulegar fjarlægðir

Ekki byggja kylfuvalið á besta högginu sem þú hefur slegið. Byggðu það á meðalhögginu.

Margir kylfingar ofmeta eigin vegalengdir og enda því reglulega stutt við holuna. Þegar þú veist nákvæmlega hversu langt hver kylfa fer verður kylfuvalið einfaldara og nákvæmnin eykst.

6. Æfðu með mælanleg markmið

Það er erfitt að bæta það sem þú mælir ekki.

Í stað þess að slá 100 bolta skaltu setja þér verkefni:

• Hversu mörg af 10 innáhöggum lenda innan 5 metra?
• Hversu mörg pútt af 1,5 metra seturðu niður?
• Hversu oft kemstu upp og niður úr glompu?

Þannig sérðu hvort þú ert raunverulega að bæta þig.

Þetta er einmitt hugsunin á bak við SKAFT. Hver æfing hefur skor, þú skráir hverja lotu og sérð framfarirnar svart á hvítu, og getur borið þig saman við kylfinga í svipaðri forgjöf.

7. Vertu þolinmóður

Forgjöfin lækkar sjaldnast jafnt og þétt.

Oft batnar leikurinn fyrst, síðan kemur lægra skor og loks lækkar forgjöfin. Ef þú heldur áfram að æfa markvisst og fylgjast með framförunum mun árangurinn yfirleitt fylgja.